日本水族店分享介紹2012 (4)

最後一間要介紹的就係呢個旅程最想去既一間，心情係非常之興奮。因為呢間係自已之前喺網上睇過佢既Blog，發現好正，間店設計非常好，裝修亦好有自已風格，所以就算係好遠，都要求老婆要抽時間同我去一次。^ ^

水草工房fin

高砂市中島1-16-6

【TEL】 079-443-9155　【定休日】 毎週木曜日（祝日は営業致します）

水草工房FIN 離大阪很遠，它近神户市，車程差不多兩個小時。當天天氣很差，一大早我同老婆就開車出發，原途一直落雨，但無妨我去既決心！

到達目的地了，前面就是。原來店就是位於民居內，如果唔係有GPS，真係未必搵到。店主要係由住屋所改建成，很有日本特色。

店外有店主自已設計既招牌，好有個人特色。正門並非門口，大大的落地玻璃只係裝飾，反而門口是從側面而入。門口旁邊放置了好多素材，林林種種，大大細細，非常之多。

哈哈！大大陳舊既八海石放喺門口前，你夠力就搬走啦。如果比著係香港，晨咁早已經冇左喇。^ ^

進入店後，店內比想像中細左小小，但裡面有好多野睇。首先，店內放左6個缸，門口前面就有一個6尺缸。店內貨品有好多，真係要花 D 時間逐件逐件睇，而且樣樣都好精緻。

門口旁邊放置了一個佗草擺設，感覺很自然。店既中心放左好多新產品，包括ADA 20周年記念工具，數量好齊全。另外，我更發現店主自已仿造左一個ADA Tower，它比ADA高身好多，當然喺細節上比ADA差左 D，但都好好睇。

 

收銀既位置有好多地方有好多貨品，有3支Solar I、 藥水、出入水等。相信存貨對老闆黎講唔係咩大問題。

收銀旁邊有另一間房，從玻璃窗望進入去見到一個打碟機 (老闆既另一嗜好係打碟？ ^ ^)，裡面有兩排書，旁邊放左幾排魚缸仔。

我最欣賞既係店主對所有店內既物件都好有心思。一張長椅、廁所內既動物擺設，仲有垃圾桶都係ADA既。哈哈！

後記：當日真係好好彩！由於當日下午日本打台風，好多地方都關門。如果我唔係朝早去，肯定模門丁。

總結：非常值得去既一間水族店，5個星！