事情嘅開始係由老婆嘅一句話,喚醒左我去搞搞個垃圾缸...
首先,我冇將之前用緊嘅泥全部換過,反而保留番今次再用。原因係因為啲泥用唔夠半年,太浪費喇。
雖則話係之前啲舊泥,但都係要將部份舊泥換走,補充了小部份新泥,特別加左幼泥係面,主要係幼泥營養好啲,容易比水草吸收,對於重新種植嘅草都會較好。而今次主要係想造個石景,所以選擇左我第一次用嘅 "龍王石" 做主角。
由於"龍王石"石紋好特別,加上形狀同以前玩開嘅山谷石好唔同,我自已都花左小小時間去觀察同構圖,最後發現原來石嘅形狀係天然嘅,如果太刻意去改變佢,反而會好唔自然,倒不如順着石嘅形狀同紋理去想,好自然靈感就會出黎。
選擇唔同大小嘅石真係要花些少時間,由其是右下角嘅果一舊石,換左好幾次,都唔太滿意,要再搵下有冇細啲嘅...
栽種前準備好我今次用嘅水草,迷你矮珍珠。由於之前培植左好一大片,所以今次唔使再去魚街買喇。在栽種時,要盡量將水草插深啲,只需要在泥面露一小片葉就可以。
慢慢加水,加太快嘅話,泥面會翻起,泥亦會沖散,証明左欲速則不達嘅道理係啱嘅。
初步完成,加滿水,但水都係唔太清。要有耐性去 (等)...
花左成日時間去搞,總算效果滿意。
我將此景名為:龍王岡
魚缸:ADA 75cm *45cm*45cm 水晶缸 8mm厚 |
燈具:ADA Grand Solar I with NAG-150W Green / NA Lamp 36W Twin x 2 |
過濾:Eheim 2217 |
水冷:Arctica DBE-200 1/4hp 出水:Lily Pipe P4 入水:New Lily Pipe V-3 |
殺菌燈:Coralife 9W UV |
底床:ADA Power Sand Special M 6L |
泥: ADA I 代黑泥 9L * 2.5包 加 Powder 1L |
Co2: 1KG 鋁樽連ADA CO2 Tower,Co2 Speed Regulator錶頭,EL Valve 電池拔,Pollen Glass Largo 30 細化器,Cabochon Ruby止逆,CO2 Beetle Counter每秒一泡 (時間設定與燈同步) |
草:迷你矮珍珠,爬爬紅,南美草皮 |
生物:飛狐,大和藻蝦,小胡子 |
液肥:Brighty K 每次換水5-6唧,Green Brighty STEP 1 燈照時間:16:00 - 20:30 溫度 : 25度 PH : 6.5 |
換水 : 每星期1/3,視在乎水質情況才增加換水。 |
Great Layout!
回覆刪除