玻璃器材清洗心得分享

個人對玻璃制產品嘅感覺係又愛又恨，愛係因為玻璃產品通透度係塑膠類產品無法比美嘅；恨係因為玻璃真係太通透，令到當有積時，一眼就會見到。另一個問題就係，易碎程度十分十分之高！所以用果時真係真係要好好好小心！我曾經試過有以下經歷。

事件 1) 某日，經過魚街買左一支ADA 出水 (P-4)，返到屋企即時拎黎用，當裝上膠喉時，力度一大，爛左！心情極之低落.......

事件 2) 某日，當清潔魚缸時，折左將新買兩個月嘅 ADA Pollen Glass Type-3放係枱角邊，一唔小心摔爛左。果刻心情......灰哂！

事件 3) 有日我突然發現，個Bubble Counter大計泡裡面個旋轉葉斷開左！事後估計係因為我開 CO2時，開得太大，壓力將旋轉葉整斷。今次好彩因為唔明顯，所以仲可以正常用番。

用過或用緊玻璃制品既人，應該都會同我一樣有以下經歷。特別係我呢類粗手粗腳既人，一唔小心，一件好好既藝術品就斷送喺我手！

 Lily Pipe P-4 遺照

 Pollen Glass Large 20@ 遺照

Pollen Glass Type 3 遺照

為左唔希望再見到呢類慘劇，就以我小小日常護理心得同大家分享吓：

1)      首先，拆除玻璃器材時，唔可以太大力。建議用較剪或界刀直接係膠喉與器材位置剪斷或界開。

2)      將器材上仍套有膠喉殘余部份放在熱水中，由於熱漲冷缩原理，膠喉殘余部份就可以輕鬆脫下。

3)      之後將器材放進已加入特定清潔液(Superge)既水中清洗。

4)      約半小時侯，器材上嘅污穢大部份已經溶解，殘余嘅污穢再用(Spring Washer)再慢慢擦一擦，一陣就已經乾淨哂 (切忌用硬物亂擦，因為會整花玻璃)！

5)      慢慢將已清洗乾淨嘅器材在連接膠喉部份用水濕一濕，作用係等你套入膠喉時容易啲，避免太大力整斷玻璃器材。

Superge & Spring Washer