CAL AQUA LABS 之產品13mm Nano Infuser 試用分享

終於有時間將我喺台灣買嘅水族用品放上BLOG分享喇。

以一件價錢都幾貴嘅產品來說，CAL嘅包裝設計始終唔及ADA好 (CAL嘅盒手工比較粗糙)，個人覺得日本人整體喺包裝設計上好啲。

CAL NANO Infuser真身，手工都好靚，拍得住ADA，Detail位好過ADA添。

依官方網站所描述，CAL NANO Infuser主要係俾細尺寸嘅缸用，希望可以減少其他器材所佔位置，所以CAL公司將細化器同出水結合為一體，當水流穿過細化器時，同時將CO2帶入缸，增加CO2容解喺水中時間。

精緻度滿分，實用性都唔錯。

連接12/16喉。